Musikorta

MC ONAK TALDEA MUSIKORTAN

Jota — Mon, 16 Apr 2012 21:45:16 +0000

Lekeitioko Mc Onak taldea Musikortan egon da 2012ko Aste Santu honetan, beraien lehenengo diska izango dena grabatze lanetan. Joseba “Pele” teknikari lanetan izan delarik, bost egun pasa dituzte gurean, beraien kantuekin borrokan, denak ondo grabatu arte.

Nahasketak bidaltzen dizkigutenean, ez izan dudarik lagin bat hemen eskeiniki dizuegula.

HEMEN DUGU BERRIRO PLAYBACK-A!

Jota — Wed, 29 Feb 2012 21:36:33 +0000

Oso gaizki ikusitako gauza izan da beti playback-a, eta ez nau
batere harritzen. Ikuslea engainatu, kalitatearen mesedetan.
Ikuslea mespretxatu, espektakuluaren perfekziorako.
Aspalditik genekien, edo entzuna dugu, mundu mailako zenbait
“artista” ez dutele zuzenekoetan benetan kantatzen edota
instrumentuak jotzen, baizik eta grabazio bat jartzen dutela edo
norbait ari dela, izkutuan, beraien lana egiten. Dena perfektuago,
hori bai. “Ze ondo kantatzen duen!”, “Soinu bikaina!”. Tururu.
Baino kontuz, pentsatu baduzue bakarrik kanpoko batzuen gauza
dela. Euskal Herrian ere baditugu playback-a egiten duten
taldeak, zuzenekoetan. Beraien publikoa engainatzen duten
taldeak, azken finean. Haserretuko dire nerekin, baina horrela da.
Dena, perfekzioaren mesedetarako. Edo beldur
eszenikoarengatik? Ez dakit, baina zaila egiten zait ulertzea talde
batek horrelako erabakia nola hartu dezakeen.
Bajujoleak ezin badu diskoan grabatutako koroak ondo abestu, ez
duelako behar adina ondo kantatzen, ba ikasi dezala, edo aldatu
bajujolea, edo ez dezala kororik egin, edo zer dakit nik, baina
mesedez, ez nazazue gehiago engainatu grabatutako pista bat
jartzen bere ordez. Eta diskoan grabatutako ditxosozko arpegio
hori zailegia bada zuzenekoetan jotzeko, ba etzazue kantua
zuzenekoetan jo, edo beste modu batera egin, akordeekin edo.
Baino mesedez, ez gaitzazue gehiago engainatu.
Ikusi izan dut talde batetako piano jolea plantak egiten, kontzertu
osoa, baina bere hatzetatik ez da soinurik atera kontzertu osoan.
Dena, edo ia dena, grabatuta! Zer pentsatuko luke zuen publikoa,
enteratuko balitz? Esatera ausartuko zinatekete? Ziur nago ezetz,
beraz, zuen publikoa engainatzen ari zarete.

Uste dut oso jarrera arriskutsua dela, ze behin hasi ezkero, non dago muga?. Zergatik ez bajua oso-osorik grabatuta? Inor ez litzateke enteratuko. Gero kitarrak pre-grabatuta etorriko lirateke, eta gero, zergatik ez, bonbo guztiak, kaja,,,soinu perfektua, txo!! “Suena como en el disco!!”. Vaya que si.
Nahikoa tranpa egiten ditugu diskoak grabatzerakoan (horri buruzko komentarioak beste batetarako utziko ditut…), orain zuzenekoak ere izorratzen hasteko. Gelditzen zaigun gauza natural bakarrenetarikoa. Zuzenekoak.
Zuen publikoa da, zuek ikustera joaten direnak, eta horrelakoak
jakinda kontzertuetara joateko gogoak kenduko diezue. Ez
daitezela enteratu…

% 50EKO BEHERAPENAK MUSIKORTAN!!

Jota — Tue, 14 Feb 2012 11:24:31 +0000

Ditxosozko krisiari egokitu gara MUSIKORTAn, eta kontutan hartuta jendea diruz nola dabilen, gure prezioak errebisatu ditugu. % 50eko beherapenak jarri ditugu abian, 2012-2013 urteetarako.

Hemendik aurrera, beraz, edonoren eskutan dago diska edo maketa bat kondizio onenetan grabatzea. Ez dago aitzakiarik. Dirua ez dadila inoiz arazoa izan!

Orain egun bateko grabazioa 150 € balio du; asteburu bat, 300 €; bi asteko grabazioa, 1.300 €, eta hilabete bat, 2.400 €. Goialdeko menuan duzu gure tarifa guztiak, detaile osoz. Egiguzu bisita konpromezurik gabe.

Eta hala eta guztiz ere ezin bazara gure prezioetara egokitu, deitu lasai eta moldatuko gara. esandakoa: Dirua ez dadila inoiz arazoa izan!

Betiko moduan, 645 729221 telefonoan gaituzu, edota musikorta@gmail.com helbide elektronikoan.

KRISAL SOINUAren bigarrena

Jota — Thu, 19 Jan 2012 08:25:54 +0000

Abendu partean grabatu eta nahastu genuen Lekeitioko koruaren bigarren diska izango dena. Herriko monjen konbentuan atondu genuen estudio eramangarria, eta horrela ekin genion lanari. Jose ramon Barbariasek gidatutako koruak proiektu garrantsitsuak ditu esku artean: Lau diska grabatzea, Lekeitioko kantu herrikoiak batzuk, eta Jose Ramonek berak egindakoak beste batzuk.
Bigarrena laster da kalean. Zorte ona opa diegu gaztaroa pilatuta duten hauei: Bejondeiela!!

Hacker-en erasoa MUSIKORTAn

Jota — Tue, 13 Dec 2011 14:28:41 +0000

Azken hilabeteak txurian pasa ditugu. Ezin ezer berriztatu, eta zuek gure web-a ezin ikusi. Denbora pasa hoberik ez duen batek gure web-a hackeatu du, eta erabili ezinda utzi zuen.

Ia oraingo honetan aurrera egiten uzten digun. Jakin ezazue MUSIKORTA martxan jarraitzen duela, bere adar guztietan: Grabazioak, sonorizazioak, aholkularitza, bikoizketa,…

Laister zenbait berrikuntzekin gatoz, gainera: Gitarjole zein baxujoleentzako efektu pedal “berezi” xamarrak…Balbulatako mikrofonoentzako prebioak…Balbulatako anplifikagailuak…Estudioko efektuak…Gure labea irekiten dago, borborka, eta esku artean ditugunak argia ikusteko desiatzen daude!

Egon zaitezte hadi. Laister gatoz berri gehiagorekin.

Aprobetxatuz, agur bero bat gure web orria hacker malapartatu horiengandik libratu digun maixuarentzako: Jabi Zabala. Milesker!!

Eta honoko hau, hacker-ei eskeinia. Maitasunez.

LOS HERMANOS MALASOMBRA.(CHIRIPITIFLAUTICOS)…(Canciones in

Lekeitioko KRISAL SOINUA korua, gurean

Jota — Fri, 24 Sep 2010 10:43:33 +0000

Lekeitioko Krisal Soinua koruak diska grabatu berri du Musikortan. Grbaketa saioa ez zen, hala ere, MUSIKORTAko estudioetan egin, Lekeitioko elizan baizik. Abuztuaren 7an emandako kontzertua zuzenean grabatu genuen, eta San Antolinetako jaiak pasatu ondoren ekin diegu nahasketa lanei.

Krisal Soinua korua Lekeitioko jubilatu eta lagunez osatutako korua da, eta errepertorioan Lekeitioko betiko kantuak eta koruko zuzendaria den Jose ramonek idatzitako beste zenbait kantuk osatzen dute.

TALATIK PORTALERA kantuaren grabaketa

Jota — Sat, 07 Mar 2009 13:05:45 +0000

Talatik portaleraino plataformarentzako, Arrikaso taldeko partaideak izan dira gurean, izen bereko kantua grabatzen. Ihauterietako Martitzenean Lekittoko tabernetan izan bazarete, entzungo zenuten, baino bestela hemen klikatuta entzun dezakezue.

MUSIKORTA, ETB1eko POSTDATA saioan

Jota — Tue, 16 Dec 2008 15:09:10 +0000

2008ko Abenduaren 11n, ETB1eko POSTDATA saioan, MUSIKORTAri buruzko erreportaia bat ikusi ahal izan zen, Nerea Iriartek egina. Hemen ikusi ahal izango duzue.

081211 MUSIKORTA, POSTDATA saioan

Nahi izan ezkero, hemen duzue www.eitb.com-eko orriaren lotura, saioaren bideoarekin.lotura

MUSIKORTA, ETB 1-eko POSTDATA saioan

Jota — Fri, 05 Dec 2008 21:49:24 +0000

Pixka bat hobeto ezagutu nahi bagaituzu, etzazu galdu hurrengo astean ETB 1en ikusgai izango den MUSIKORTAri buruzko erreportaia.

Ostegunean izango da, Abenduak 11, POSTDATA saioan. Eguerdiko eta gaueko informatiboen ondoren emititzen da saio hau, eguerdiko 14.40-tan eta gaueko 21.10-etan.

Espero dugu zuen gustokoa izatea. Aprobetxatu nahi dut aukera MUSIKORTAra bisita bat egitera gonbidatzeko: Zuek gu ezagutzeaz gain, guk zu ezugutu nahi zaitugu. deitu edo idatzi, eta etorri lasai, MUSIKORTAn ez dugu inor jaten eta…

Analogikoago

Jota — Fri, 03 Oct 2008 16:54:37 +0000

Aurrena analogikoak ginenok digitalizatu behar izan ginen, aro berrietara egokitzeko. Orain, aro berrietan, berriz ere analogikora jo behar…kalitateak agintzen duenean, grabaketa analogikoa da jaun eta jabe, eta nahiz eta garestiagoa izan, MUSIKORTAko aukeren barruan sartu beharra genuen. Horregatik gure lorpen berria: STUDER A80VU mk IV, zortzi pistatako grabagailu analogikoa. Garai batean bezala…